Muinjilisti wa kimataifa Peter Pretorious toka Afrika kusini afungua kongamano la wachungaji Jijini Mwanza

Muinjilisti wa wa kimataifa toka Afrika kusini ,na muasisi wa huduma ijulikanayo kama Jesus Alive Gospel Outreach , Peter Pretorious amefungua kongamano la siku tatu linalotoa mafunzo kwa wachungaji zaidi ya 500 jijini Mwanza kwa lengo la kuwaendeleza kihuduma na kuwapa mbinu mbali mbali za kichungaji na kiinjilist ili waweze kuwafikia watu wengi zaidi sehem mbalimbali na kuwaeleza habar za Yesu Kristo.

kongamano hilo limeanza leo asubuhi siku ya jumanne 24July 2012 katika ukumbi wa Shinyanga Hotel jijini mwanza,na limewahusisha wachungaji toka wilaya zote za jiji la mwanza ikiwa ni pamoja na Magu,Nyamagana,Ilemela,Sengerema,na mikoa ya jirani ya kanda ya ziwa ikiwa ni pamoja na mkoa mpya wa Geita,kwa lengo la kuwaweka wachungaji pamoja na kupeana mbinu za kuujenga mwili wa kristo.

akiongea na blog hii Muinjilist Peter Pretorious ameeleza kuwa Jesus alive Gospel Outreach sio club, chama,dhehebu,wala kanisa bali ni huduma yenye kuwaunganisha wachungaji toka makanisa mbali mbali ya kipentekoste kwa lengo la kuihubiri injili ya Yesu Kristo Duniani kote bila mipaka hivyo Lengo kuu la kongamano hilo ni kuwapa mbinu mbali mbali wachungaji ili waweze kufika kila kona ya nchi na kuhubiri ili watu wengi wamjue Yesu Kristo kisha waishi maisha yanayompendeza Mungu.

Katika Kongamano hilo Muinjilist Peter Pretorious alianza kwa kufungua kongamano hilo kwa maombi

na baadae kikundi cha kusifu na kuabudu kilipata fursa ya kuhudumu kwa nyimbo za kusifu na kuabudu

huku wachungaji wakiingia katika uwepo mzito wa Roho mtakatifu katika maombi na ndipo Muinjilist Peter pretorious alipoanza kuhubiri huku akiandamana na mkalimani wake mchungaji Eugene Mulisa toka High way of Holines cathedral la jijini Mwanza.

Peter pretorious ni moja ya wahubiri wa siku nyingi ambao walikuwa wakija nchini Tanzania miaka ya 1990 na kuhubiri katika mikutano mikubwa sana iliyokuwa ikikusanya maelfu ya watu waliokuwa wakihudhuria na kumpa Yesu maisha yao baada ya kuguswa na neno la Mungu lilikoa likihubirwa katika mikutano hiyo.