MZEE WA UPAKO AMVAA T.B JOSHUA, ASEMA NI TAPELI

Baraza la Waangalizi la Kanisa la The Evangelistic Assemblies of God Tanzania (EAGT) na Halmashauri Kuu ya kanisa hilo limemsimamisha kazi Makamu Askofu Mkuu wa kanisa hilo Mchungaji John Maene.

Makamu Askofu Mkuu wa kanisa EAGT Mchungaji John Maene

Makamu Askofu huyo amesimamishwa kazi katika kikao cha siri kilichokutana mjini Dodoma wiki iliyopita kilichoongozwa na Askofu Mkuu wa kanisa hilo Mchungaji Brown Mwakipesile.

Moja ya vikao vya wachungaji ndani ya kanisa la EAGT Mlimwa West , picha ya Maktaba

Kwa mujibu wa vyanzo vya habari vimedai kuwa kikao kilikutana katika kanisa la EAGT Mlimwa West mjini Dodoma kikiwa chini ya ulinzi mkali wa Polisi wenye silaha na askari kanzu

Tetesi za kufukuzwa kwa makamu askofu huyo zilianza kuvuma mwezi September ambapo gazeti la jibu la Maisha katika toleo lake namba 417 katika ukurasa wa mbele lilimhoji Askofu huyo ambaye alielezea kushtushwa tetesi hizo

Wiki moja baadae vyanzo vya habari vingine toka ndani ya kanisa hilo vilidai kuwa kuna kikao cha dharura kilichoitishwa Dodoma kwa ajili ya kushughulikia suala hilo ambapo vilidai kuwa sababu za kutenguliwa askofu huyo ni sababu za kimaadili bila kuainisha ni maadili gani huku wakisema mambo yote yatakua hadharani pindi uongozi wa juu utakapoamua kuachilia kwa vyombo vya habari

Vyanzo hivyo vilisema kikao hicho kilichofanyika Dodoma kilikua na ulinzi mkali wa askari polisi walioelekezwa kutambua waliohitajika kuingia kwenye kikao hicho.

Lango kuu la Kanisa la EAGT Mlimwa West

Vyanzo hivyo vilisema kuwa askari walikua ndani ya viwanja vya kanisa hilo wakiwa na silaha huku wengine wakiwa nje ya uzio wa kanisa kwa kuimarisha ulinzi na usalama zaidi kutokana na kuhofia kua ingeweza kutokea fujo.

Muonekano wa kanisa EAGT Mlimwa West ambapo vikao vya wachungaji hufanyika humo

Inadaiwa kuwa kutokana na kuwepo kwa makundi ambayo yalikuwa yakipingana na maamuzi ya viongozi wa kanisa hilo kwa kumfukuza Askofu Maene kungetokea fujo ndiyo sababu ya kuwepo kwa ulinzi huo mkali

Gazeti la Jibu la maisha linaripoti kuwa lilimtafuta Askofu Mkuu wa kanisa hilo Brown Mwakipesile kwa ajili ya taarifa hizo na kukiri japo hakutaka kuzungumzia lolote.

Askofu Mkuu wa EAGT Brown Mwakipesile

“Sasahivi hatuzungumzi chochote, ninyi si waandishi bwana fuatilieni mthibitishe, maana hiyo ni habari ambayo imezagaa katika mitandao” alisema Askofu Mwakipesile.

Katika Mahojiano na gazeti la Jibu la Maisha kwa njia ya simu Askofu Mwakipesile aliwataka waumini wa kanisa hilo pamoja na wachungaji kuwa na subira mpaka hapo uongozi utakapotoa tamko kuhus jambo hilo.

Hata hivyo mkuu huyo wa kanisa hakutoa ufafanuzi wa kufukuzwa kwa Makamu wake , na kusema yeye kama kiongozi amekwisha kabidhi maamuzi yote kwa kamati yake na kwamba wanafahamu kila kinachoendelea na badaae watatoa tamko kuhusu suala hilo.

Katibu Mkuu wa kanisa hilo Mchungaji Mwizarubi alipohojiwa kuhusu suala hilo hakutaka kuzungumzia suala hilo akidai kuwa yeye sio msemaji , mwenye kuzungumzia hilo ni askofu mkuu

Katibu Mkuu wa kanisa hilo Mchungaji Mwizarubi

“wewe ongea na Askofu Mkuu ndiye msemaji ,mimi siwezi kulizungumzia hilo maana mimi ni mtendaji tu”

Akiongea na gazeti la Jibu la Maisha kwa njia ya simu kwa shida Makamu Askofu huyo Mchungaji John Maene alisema alipata Mshtuko tangu atoke katika kikao hicho cha Dodoma.

Makamu Askofu Mkuu wa kanisa EAGT Mchungaji John Maene

Mchungaji huyo mwenye umri wa miaka 70 alikiri kufukuzwa Uaskofu , Uchungaji na Uongozi wa kanisa hilo kwa kosa alililosema kuwa ni la mtu kutoa unabii na maono kumhusu.

Mchungaji Maene alidai kuwa kabla ya kikao hicho cha Dodoma aliwahi kuitwa katika kikao kilichohusisha Viongozi wa Kanda na Maaskofu wa Majimbo mwezi Septemba mwaka huu kujieleza.

“Ndugu mwandishi ,tuliitwa wote katika kikao hicho mimi na Yule Mchungaji aliyedai kuona maono kuhusu mimi kukiuka maadili ya kiroho, wakati nilipotakiwa kujieleza nilipata mshtuko wa moyo na kushindwa kuongea” alisema Mch Maene na kuongeza

“ Ndipo Viongozi hao walipotumia mwanya huo huo na kuendesha kikao hicho kwa upande mmoja na kutoa maamuzi ya kunifukuza kabisa ushirika wa kanisa hilo”

Akizungumzia kuhusu kikao cha Dodoma kilichofanyika wiki iliyopita alisema kuwa vilifanyika vikao mara mbili kilichowakutanisha  viongozi wa wa kanda na cha pili cha viongozi wote wa majimbo na kanda

Alisema katika kikao cha viongozi wa kanda waliitwa wote kati yake na yule mchungaji aliyedai kuona maono na wote walitoa maelezo yao na kutoka nje, lakini kikao kilichohusisha viongozi wote wa majimbo na kanda hakuitwa

“Kikao hicho kilichohusisha vingozi hao wa kanda na majimbo kilisikiliza maelezo ya upande mmoja na kupiga kura ya kufukuzwa kwangu wakati huo mimi nilikua nje” alisema

Mimi niliilishia tu kupewa kupewa taarifa ya kufukuzwa Uchungaji na Uaskofu

Akizungumzia kuhusu tuhuma dhidi yake alisema kuwa ni mambo yaliyotokana na ndoto , maono na unabii kutoka kwa mchungaji mmoja wa kanisa huko Geita aliyedai kumuona akikiuka maadili ya kiroho.

Aidha alisema kuwa pamoja na kufukuzwa hajapewa barua yoyote mbali na kuelezwa tu na baadhi ya washirika wa kikao hicho kuwa amefukuzwa.

“Ndugu Mwandishi najua haya yanatokea sasa ni vita tu vya kiroho kwani nimekua mchungaji wa kanisa hili la EAGT Bugando tangu mwaka 1990 wakati Moses Kulola akiwa bado yuko hai na sikuwahi kupata tuhuma yoyote'' alisema maene akisikitika

Makamu Askofu Mkuu wa kanisa EAGT Mchungaji John Maene

“Naomba uniache nipumzike najisikia vibaya moyo unanienda mbio, mpaka sasa nimepigwa na butwaa sijajua nitafanya nini baada ya maamuzi haya nitawajuza” alisema mchungaji Maene na kukata simu